Mənzil bazarında bahalaşma davam edir - Səbəb nədir?

Qaynarinfo Xəzər TV-yə istinadən xəbər verir ki, əmlak məsələləri üzrə ekspert Nofəl Quliyevin sözlərinə görə, canlanma həm yeni tikililərdə, həm də köhnə mənzillərin satışında müşahidə edilir. Bəs qiymətlər nə qədər artıb?

Ekspert bildirib ki, təkrar mənzil bazarındakı qiymət artımı ən çox çıxarışlı mənzillərdə müşahidə edilir. Buna səbəb də həmin daşınmaz əmlakların ipotekaya yararlı olmasıdır.

Nofəl Quliyev hesab edir ki, canlanmanın əsas səbəblərindən biri isə paytaxtda aparılan yenidənqurma işləri - köhnə binaların sökülməsi və yeni layihələrə olan maraqdır.

Qeyd edək ki, hazırda şəhərin mərkəzində ilkin mənzil bazarında mənzilin 1 kv.m üçün qiymət 2 500-5 000 manat civarında dəyişir. Ekspertlər bildirirlər ki, ilin sonuna qədər qiymətlərdə sabitləşmə gözlənilmir.

Mövzu ilə bağlı daha ətraflı videomaterialı təqdim edirik: