Heydər Əliyev Fondu beynəlxalq aləmdə həm də humanitar fəaliyyəti ilə böyük nüfuza malikdir
“Münaqişənin həllində son nəticəyə gətirib çıxardığına görə Prezident Trampa minnətdarıq” - Hikmət Hacıyev
“Biz Orta Dəhlizi regional iqtisadi artım və inteqrasiyanın güclü katalizatoru qismində görürük”
“Son üç ildə Orta Dəhliz üzrə Azərbaycan vasitəsilə yükdaşımalarının həcmi təxminən 90 faiz artıb” - İlham Əliyev
Beş yaşlı uşağa süni ürək qoyuldu
Çinin Ciansu əyalətində həkimlər ürək çatışmazlığının son mərhələsində olan beş yaşlı uşağa süni ürəyi uğurla implantasiya ediblər.
“Qafqazinfo” xəbər verir ki, bu, dünya tibb tarixinə yaşda ən aşağı, çəkidə ən yüngül xəstəyə süni ürək implantasiyası əməliyyatı kimi düşüb.
Doqquz saat davam edən əməliyyat avqustun 20-də əyalətin paytaxtı Nankin şəhərindəki Tibb Universitetinin uşaq xəstəxanasında aparılıb. Çəkisi 13 kiloqram olan uşağa 3 il əvvəl nadir və ağır xəstəlik olan restriktiv kardiomiopatiya diaqnozu qoyulub.
Onun vəziyyəti iyul ayında kəskin şəkildə pisləşib, nəticədə həyatı üçün təhlükə yaranıb. Tibb qrupu bu yaşda uşaqlar üçün donor ürək çatışmazlığını nəzərə alaraq, transplantasiya üçün körpü kimi iki mədəcikli süni ürək implantını seçib.
Uşaq əməliyyatdan cəmi bir həftə sonra normal qidalanmağa başlayıb və qısa məsafələr qət edə bilib.
