MDB ilə saziş təsdiq ediləcək - Azərbaycanın qeyd-şərti ilə

Müstəqil Dövlət Birliyinə daxil olan dövlətlərin ictimai səhiyyə sahəsində əməkdaşlığı ilə bağlı Saziş təsdiq ediləcək.

“Qafqazinfo” xəbər verir ki, bu, “Müstəqil Dövlətlər Birliyinin iştirakçısı olan dövlətlərin ictimai səhiyyə sahəsində sanitariya-epidemioloji xarakterli fövqəladə vəziyyətlərin qarşısının alınması və cavab tədbirləri üzrə əməkdaşlığı haqqında Saziş”in təsdiq edilməsi barədə” qanun layihəsində öz əksini tapıb.

Layihəyə əsasən, saziş Azərbaycanın ona dair müvafiq qeyd-şərti ilə təsdiq ediləcək.

Sözügedən qeyd şərti təqdim edirik:

“Azərbaycan Respublikası Müstəqil Dövlətlər Birliyinin iştirakçı dövlətlərinin fövqəladə vəziyyətlərin qarşısının alınması və aradan qaldırılması sahəsində əməkdaşlıq haqqında 2015-ci il 16 oktyabr tarixli Sazişin iştirakçısı olmadığı üçün özünü həmin Sazişin müddəaları ilə bağlı hesab etmir. Azərbaycanla Ermənistanla arasında münaqişənin nəticələri tam aradan qaldırılana və münasibətlər normallaşana qədər hazırkı Sazişin müddəaları Azərbaycan tərəfindən Ermənistana münasibətdə tətbiq edilməyəcək”.

Nuranə Daxilqızı