Berlində Mir Cəlalın alman dilinə tərcümə edilmiş hekayələrindən ibarət kitabın təqdimatı olub
İsmayıl Zalovun İstanbul Ədalət Sarayına Ziyarəti – Qardaşlıq və Ədalət Dəyərlərinə Sadiqlik
“AID GROUP” xaricdə iş və təhsil mərkəzinin Gəncə şəhərində filialı istifadəyə verilib
“1 №-li Xüsusi Təyinatlı Yol İstismarı” MMC-nin direktoru Etibar Kərimov – Yol infrastrukturunda dəqiqliyin, məsuliyyətin və dövlətçilik amalının nümayəndəsi
Pirallahı rayonu 9 saylı “Yol İstismarı” MMC-nin direktoru Natiq İsmayılov: "Pirallahının yol strateji uğurlarının memarı"
Ərdoğan Azərbaycana səfərə yola düşüb
Türkiyə Prezidenti Rəcəb Tayyib Ərdoğan Azərbaycanın Müstəqillik Günü münasibətilə özəl "TUR" təyyarəsi ilə Azərbaycanın Laçın şəhərinə səfərə yola düşüb.
Bu barədə Oxu.Az "Haber Global"a istinadən xəbər verir.
Məlumata görə, Ərdoğanı Esenboğa hava limanından vitse-prezident Cevdet Yılmaz, prezidentin baş katibi Hakkı Susmaz və Ankara valisi Vasip Şahin yola salıblar.
Ərdoğanı səfər zamanı Türkiyənin enerji və təbii sərvətlər naziri Alparslan Bayraktar, milli müdafiə naziri Yaşar Güler, nəqliyyat və infrastruktur naziri Abdulkadir Uraloğlu, kənd və meşə təsərrüfatı naziri İbrahim Yumaklı, ticarət naziri Ömer Bolat, Türk Dövlətləri Təşkilatının Ağsaqqallar Şurasının sədri Binali Yıldırım, Türkiyə Prezident Aparatının Kommunikasiya şöbəsinin başçısı Fahrettin Altun, Türkiyə Prezidentinin xarici siyasət və təhlükəsizlik üzrə baş müşaviri Akif Çağatay Kılıç, Ədalət və İnkişaf Partiyasının sədr müavinləri Kürşat Zorlu, Ali İhsan Yavuz, Zafer Sırakaya, Hüseyn Yayman, Halit Yerebakan və Milliyyətçi Hərəkat Partiyası sədrinin müavini İsmail Özdemir müşayiət edirlər.
Rəcəb Tayyib Ərdoğanın səfər çərçivəsində Azərbaycan Prezidenti İlham Əliyevlə görüşü planlaşdırılır və iki ölkə arasındakı əlaqələr, cari regional və qlobal hadisələrlə bağlı fikir mübadiləsinın aparılacağı gözlənilir.
Həmçinin, Ərdoğan Pakistanın Baş naziri Məhəmməd Şahbaz Şərif və Prezident İlham Əliyev ilə birlikdə Laçın Beynəlxalq Hava Limanının açılış mərasimində və Azərbaycanın Müstəqillik Günü ilə bağlı mədəniyyət tədbirində iştirak edəcək.























































