QHT sədri Yasəmən Qəyyumlu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi Əlilliyi Olan Şəxslərin Peşə Əmək Reabilitasiya mərkəzində “AÇIQ QAPI” layihəsinə qoşulub

Qayğıya Ehtiyacı və Əlilliyi Olan Şəxslərə Dəstək İctimai Birliyin sədri Yasəmən Qəyyumlu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi Əlilliyi Olan Şəxslərin Peşə Əmək Reabilitasiya mərkəzində 28 May Müstəqillik gününə həsr olunmuş  "Açıq qapı" layihəsinin  icrasında iştirak edib.

Tədbirdə QHT rəhbərləri,reabilitasiya mərkəzində müalicə alan fiziki məhdudiyyətli şəxslər, valideynləri və reabilitasiya mərkəzinə yeni müraciət edən fiziki məhdudiyyətli şəxslər valideynləri ilə birlikdə iştirak edirlər.  Reabilitasiya mərkəzinin rəhbəri Rahilə xanım  hər kəsi salamlayaraq,tədbirin əsas məqsədindən, mərkəzdə göstərilən xidmətlərdən danışıb.

 Daha sonra çıxış edən valideynlər reabilitasiya mərkəzinin rəhbərliyindən və bütün xidmətlərdən razı qaldıqlarını bildiriblər. Hər kəsi dinləyən QHT rəhbəri Yasəmən Qəyyumlu reabilitasiya mərkəzinin rəhbəri Rahilə xanıma və onun peşəkar işçilərinə, eyni zamanda uşaqlarını bu cür cəmiyyətə düzgün şəkildə adaptasiya edən valideynlərə öz təşəkkürünü bildirib. Valideynlərdən tək istəyi və xahişi bu olub "övladlarınızı cəmiyyətdən kənarda saxlamayın"!

Tədbirin sonunda istedadlı fiziki məhdudiyyətli uşaqların təşkil etdiyi bədii hissədə biri birindən maraqlı çıxışlar olub və xatirə şəkilləri çəkilib.

Fərid Səfərov

Birliyin mətbuat katibi