Xəbər Lenti
Dünən, 20:23
Vətənpərvər insan, keçmiş Quba Rayon İcra Başçısı Rauf Həbibov: "Dövlətə sədaqət andı, elin adamı"
Dünən, 19:25
Azərbaycanın Xalq Artisti Yevgeniya Nevmerjitskaya – 60 illik səhnə yubileyi təntənə ilə qeyd olundu. VİDEO
Dünən, 17:14
Respublika Neyrocərrahiyyə Xəstəxanasının direktoru Fərhad Həsənov: “Peşəkarlıq və sağlamlığın keşikçisi”
13-10-2025, 15:24
İctimai xadim Pərvanə İmamquliyeva: “Almaniyada Azərbaycan diasporu Vətən Azərbaycana sədaqət nümayişi”.
13-10-2025, 10:10
Şahin Mustafayev: "Azərbaycan, İran və Rusiya rəsmiləri sabah infrastruktur obyektlərinə baxış keçirəcəklər"
13-10-2025, 09:39
Bakıda Beynəlxalq Hakimlər Assosiasiyasının 67-ci Baş Assambleyası işə başlayıb: İlham Əliyev iştirakçılara müraciət edib
13-10-2025, 09:19
Şahin Mustafayev: "2028-dən Şimal-Cənub dəhlizi ilə Azərbaycandan ildə azı 5 milyon ton yük daşınacaq"
12-10-2025, 16:55
Bakıda 93 ölkənin hakimlərini bir araya gətirən Beynəlxalq Hakimlər Assosiasiyasının 67-ci Baş Assambleyası keçirilir.
12-10-2025, 15:28
Bakı şəhəri 56 nömrəli tam orta məktəbin direktoru Könül Hüseynova təhsil ocağını öz “qanunları” ilə idarə edir? FAKT/İDDİA
12-10-2025, 11:59
Şəhid leytenant Teymur Abbasovun anım günü məzun olduğu S.C.Pişəvəri adına Respublika Humanitar Fənlər Gimnaziyasında qeyd edilib.
12-10-2025, 11:38
Qərbi Azərbaycan Xronikası: "İran" adından əvvəl Səfəvilər, Əfşarlar, Qacarlar gerçəyi var"
12-10-2025, 11:34
Pakistanın baş naziri Əfqanıstanla sərhəddə baş vermiş silahlı toqquşmalardan danışıb
12-10-2025, 11:19
Gürcüstan ərazisinə daxil olmamış şəxslərin sığınacaq müraciətləri bundan sonra birbaşa sərhəddə araşdırılacaq.
"Prada" "Versace"ni 1,38 milyard dollara aldı və ... yenidən İtaliyaya qaytardı
Cümə axşamı "Prada", ABŞ-ın lüks moda holdinqi olan "Capri Holdings"dən (CPRI) "Versace" brendini 1,38 milyard dollara almaq üçün rəsmi razılaşma imzalayıb.
Qaynarinfo-nun verdiyi xəbərə görə, bu sövdələşmə ilə iki İtaliya moda brendi bir çətir altında birləşir.
Sövdələşmənin ilin ikinci yarısında başa çatması gözlənilir. Bu alqı-satqı ilə "Versace"nin dəyəri 2018-ci ildə "Capri" tərəfindən ödənilmiş 2,12 milyard dollardan aşağı qiymətləndirilir. Şirkətin yaydığı açıqlamada qeyd edilir ki, bu satış "Capri"yə "Michael Kors" markasına sürətləndirilmiş strateji sərmayələr yatırmağa imkan verəcək.
"Prada"nın, Meduza simvolu ilə tanınan bu məşhur moda evini alması "Versace"nin yenidən İtaliyaya qayıdışı kimi dəyərləndirilir. Beləliklə, "Versace"nin adı "Prada Group"un 15 milyard dollarlıq portfelinə daxil ediləcək. Bu portfelə "Prada", "Miu Miu", "Church’s", "Car Shoe", "Marchesi 1824" və "Luna Rossa" markaları daxildir.
"LVMH kimi bir qrupu İtaliyada qurmaq Bertelli ailəsinin uzunmüddətli arzusudur", – "LVMH North America"nın keçmiş rəhbəri Polin Braun (Pauline Brown) "Yahoo Finance"ə göndərdiyi e-poçtda bildirib. – "Versace"nin alınması ilə portfellərindəki marka sayı yeddiyə çatır. Məncə, bu ağıllı strategiyadır, çünki 'Prada Group'a İtaliya mənşəli brendlərlə daha geniş və dərin bir mövqe qazandırır və qlobal lüks sektorunda daha güclü yer tutur".
2024-cü ildə "Prada Group" ümumilikdə 5,4 milyard avro (təxminən 6 milyard dollar) gəlir əldə edib ki, bu da illik 17% artım deməkdir. Şirkətin ikinci ən böyük markası olan "Miu Miu", lüks pərakəndə satışda müşahidə edilən durğunluğa rəğmən, ötən il pərakəndə satışlarını 93,2% artırıb.
Dünyanın ən böyük lüks brendi olan "LVMH" (LVMUY) ötən il 85 milyard avro (təxminən 95 milyard dollar) gəlir əldə edib. "Hermès" isə 15,2 milyard avro (təxminən 17 milyard dollar) gəlir ilə onu izləyib.
İllər ərzində bir çox lüks brendlər rəqabətə davam gətirmək üçün birləşib: "Kering" (KER.PA) portfelində "Bottega Veneta", "Balenciaga" və digər markaları saxlayır, "Tapestry" (TPR) isə "Coach", "Kate Spade" və "Stuart Weitzman" ilə fəaliyyət göstərir. Eynilə "Capri Holdings" də "Versace", "Jimmy Choo" və "Michael Kors" markalarını öz brendləri altına alaraq bu strategiyanı izləyirdi.

"Capri Holdings" 2018-ci ildə "Versace"ni alarkən rəhbərlik bu brendin illik gəlirini 2 milyard dollara, "Jimmy Choo"nun 1 milyard dollara və "Michael Kors"un isə 5 milyard dollara çatdırılmasını hədəfləyirdi. Lakin dörd illik zəif performansdan sonra "Capri Holdings", "Versace" və "Jimmy Choo"nun satışını nəzərdən keçirməyə başladı.
2024-cü ildə "Versace" 1 milyard dollar, "Jimmy Choo" isə 618 milyon dollar gəlir əldə edib. "Capri"nin ən iri brendi olan "Michael Kors"un gəliri isə 3,5 milyard dollara bərabər olub. Ümumilikdə, "Capri Holdings"in bütün brendləri üzrə gəliri 5 milyard dollar təşkil edib. Şirkətin "Jimmy Choo"nu da satmağı planlaşdırdığı barədə şayiələr yayılıb.
"Prada"-"Versace" sövdələşməsi çərçivəsində "Versace"nin yaradıcısı Canni Versacenin (Gianni Versace) bacısı Donatella Versace, təxminən 30 illik fəaliyyətindən sonra yaradıcı direktor vəzifəsindən ayrılaraq markanın baş səfiri rolunu yerinə yetirəcək. Onu isə "Bottega Veneta", "Gucci", "Miu Miu" və "Prada"da çalışmış tanınmış dizayner Dario Vitale əvəz edəcək.
"Biz 'Versace'nin cəsur və zamanın fövqündə dayanan estetik irsini qorumağı və yenidən şərh etməyi hədəfləyirik", – "Prada Group"un sədri Patrizio Bertelli bildirib. – "Eyni zamanda, bu brendə illərlə davam edən sərmayələr və dərinləşmiş əlaqələr sayəsində güclü bir platforma təqdim edəcəyik".
Aydın