Yaponiya “Fukusima-1” AES-dən ikinci su partiyasını oktyabrda buraxacaq

Yaponiyanın “Tokyo Electric Power” şirkət operatoru gələn həftə “Fukusima-1” AES-dən radioaktiv hissəciklərdən təmizlənmiş suyun ikinci partiyasını buraxmağa başlayacaq.
Məlumata görə, suyun ikinci partiyasının buraxılmasına oktyabrın 5-də başlanması planlaşdırılır.
Qeyd edək ki, 2011-ci ilin martında sunami “Fukusima-1” AES-in enerji və soyutma qurğularını sıradan çıxarıb və bu, üç reaktorda nüvə yanacağının əriməsinə, korpuslarının məhvinə, partlayışlara və böyük miqdarda radioaktiv maddələrin buraxılmasına səbəb olub. Bu günədək stansiyanın ərazisi və ətraf ərazilər praktiki olaraq təmizlənib. Bununla belə, güclü radioaktiv çirklənmə ilə boşluqlardan axan nüvə yanacağının fraqmentlərini soyutmaq üçün məhv edilmiş reaktorlara daim su tökülür.
Hazırda 1040-dan çox polad çəni dolduran AES-in ərazisində 1,34 milyon tondan çox su yığılıb. Yaponiya hökuməti bundan əvvəl təmizlənmiş suyu tədricən okeana buraxmaq qərarına gəlib. Bu əməliyyat 30-40 il çəkəcək.
Mənbə: Oxu.Az