Ukrayna Hərbi Dəniz Qüvvələrinin tərkibində xüsusi dəniz dronları briqadası yaradıldı

Ukrayna Hərbi Dəniz Qüvvələrinin tərkibində dəniz dronlarından istifadə üzrə əlahiddə briqada yaradılıb.

Bu barədə Ukrayna Prezidenti Volodimir Zelenski ölkənin Müstəqillik Günü münasibətilə keçirilən tədbirdə bildirib.

Belə ki, Zelenski Sofiya meydanında keçirilən tədbir zamanı digərləri ilə yanaşı, xüsusi təyinatlı dəniz pilotsuz sistemlərinin 385-ci əlahiddə briqadasına döyüş bayrağını təqdim edib.

Qeyd edək ki, əvvəllər Ukrayna donanmasında belə bir bölmənin olması barədə ictimaiyyətə rəsmi məlumat verilmirdi.

Mənbə: Strana.ua