Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
SƏFƏRALİYEV QANBOY ƏHMƏDALI OĞLU – LAÇININ ALXASLI KƏNDİNİN VƏTƏN NAMİNƏ ŞƏHİDLİK ZİRVƏSİNƏ UCALAN İGİD OĞLU!
Əsabil Qasımov 5 milyonluq əmlakı ələ keçirib, indi də sahibini və mətbuatı susdurmağa çalışır
BDYPİ-nin YPX Alayının 7-ci tağımının post komandiri Süleyman – “Dövlətə və dövlətçiliyə sədaqət andı”
Nəvəsinin andiçməsindən sonra meyiti tapılan Mirzəcan kişi ilə bağlı - Yeni detallar
Azərbaycan incəsənəti Çilidə: Santyaqoda Zəfər Gününə həsr olunmuş beynəlxalq sərgi açılıb
Qax RİH-nin başçısı Elvin Paşayev: KONSTİTUSİYA – MÜSTƏQİL AZƏRBAYCANIN QÜRURU, DÖVLƏTÇİLİYİNİN HÜQUQİ SÜTUNU VƏ XALQIN İRADƏSİNİN TƏCƏSSÜMÜ
"Rəsul Rzanın poeziya dünyası və fəlsəfəsi" adlı ədəbi-bədii görüş keçirilib.
Göyçay rayonunda "Rəsul Rzanın poeziya dünyası və fəlsəfəsi" adlı ədəbi-bədii görüş keçirilib. Rəsul Rza adına ev muzeyində təşkil edilən görüşdə yazıçı -puplisist, AJB-nın üzvü, "Qızıl qələm" və "Ali Media Mükafatı" laureatı, "Ədalət" qəzeti baş redaktorunun regionlar üzrə müavini Məzahir Əhmədoğlu, şair - puplisist, pedaqoq, Əməkdar müəllim, AYB-nın üzvü Adil Məmməd, tarzən - pedaqoq Rövşən Zamanov, müstəqil jurnalist, araşdırmaçı Günel İsayeva, televiziya işçisi, prodüser, kinoman Vasif Ayan, tərcüməçi Mürsəl Zamanov və muzeyin əməkdaşları iştirak edib. Tədbiri bəlağətli giriş nitqi ilə açan Adil Məmməd Rəsul Rza yaradıcılığına nəzər salaraq onun ədəbi - bədii külliyyatının dərin xəzinə olduğunu bildirdi. Lirik-epik səpkidə yazdığı şeirlərinin çoxunda dərin fəlsəfə, zəngin mədəniyyət, ülvi sevgi varlığını, eləcə də çatışmazlıqları hədəfə alan sətiraltı məna yatdığını nümunələr əsasında diqqətə çatdırdı. Rəsul Rzanı Azərbaycan ədəbiyyatının görkəmli simalarından sayan pedaqoq onun yaradıcılığının böyüklüyünü indiyə qədər aparılan çoxsaylı filoloji təhlilərdə fərqli nüans və yeniliklərin üzə çıxmasında, dərin fəlsəfi məzmun daşıması ilə əlaqələndirdi. Poeziyasının əsasən vətənpərvərlik, sevgi və fəlsəfi məzmun daşıdığını qeyd edən, Rəsul Rzanın yaradıcılıq və şəxsiyyətindən söz açan jurnalist Məzahir Əhmədoğlu da onunla bağlı xoş xatirələrindən danışdı. Rəsul Rza və həyat yoldaşı Nigar Rəfibəylinin bir-birinə olan saf sevgisi, Göyçayda keçirdiyi görüşlər, etdiyi söhbətlər və xoş düşüncələri barədə gerçək faktlar əsasında söhbət açdı, o dövrə qısa tarixi ekskursiya etdi. Digər iştirakçılar da görüşdə Rəsul Rza yaradıcılığına işıq salıb, onun ədəbiyyat tarixində tutduğu mövqedən söhbət açdılar. Qeyd edək ki, ədəbi-görüş məşhur tarzən, pedaqoq Rövşən Zamanovun tarda ifaları ilə müşahidə edilirdi. Tarzən Rəsul Rza şeirlərinə bəstələnən musiqiləri tarda dilləndirərək söhbətə xoş ovqat qatırdı.
Sonda iştirakçılar ədəbi-bədii görüşü xatirə şəkli ilə əbədiləşdirdi.
Günel İsayeva AZADTV-nin xüsusi müxbiri




























































