Dünya çempionatında əlavə əvəzetməyə icazə verildi

Klublararası dünya çempionatında ilk dəfə oyunçu dəyişikliyi ilə bağlı yeni qaydadan istifadə olunacaq.
Xezertv.info "Qafqazinfo"ya istinadən xəbər verir ki, bu barədə FİFA-nın rəsmi saytı məlumat yayıb.
Xəbərdə bildirilir ki, oyun vaxtı hər hansı futbolçu beyin sarsıntısı keçirdikdə əlavə əvəzetməyə icazə veriləcək. Komandalar matç ərzində bu imkandan yalnız bir dəfə yararlana biləcəklər. Turnirdə ümumi əvəzetmə sayı isə beş olacaq.
Qeyd edək ki, klublararası dünya çempionatı bu ilin ikinci yarısında Yaponiyada keçiriləcək. Turnirin son qalibi İngiltərənin "Liverpul" klubu olub.