Menu
Xəbər Lenti
07 iyl 11:34Gündəm / Sosial

Nizami rayonunda da reydlər keçirilib

Nizami rayonunda sərtləşdirilmiş karantin rejiminin qaydalarına əməl edilməsi vəziyyətinin öyrənilməsi ilə əlaqədar reydlər keçirilib
Xezertv.info “Qafqazinfo”ya istinadən xəbər verir ki, yeni növ koronavirus infeksiyasının ölkədə geniş yayılmasının qarşısının alınması məqsədilə tətbiq olunan sərtləşdirilmiş karantin rejiminin qaydalarına Nizami rayonunda əməl edilməsi vəziyyətinin öyrənilməsi və zəruri tədbirlərin görülməsi ilə əlaqədar dünən Rayon İcra Hakimiyyətinin başçısı Arif Qasımov və Bakı Şəhər İcra Hakimiyyəti başçısı Aparatının Şəhər təsərrüfatı şöbəsinin müdiri Ayaz Hüseynov Rayon İcra Hakimiyyətində yaradılan Operativ Qərargahın üzvləri ilə birgə növbəti reydlər keçiriblər.
Rəhbər şəxslər rayonda fəaliyyət göstərən iri market və mağazalara baş çəkib,  sərtləşdirilmiş karantin rejiminin tələblərinə hansı səviyyədə əməl edilməsi ilə tanış olublar. Reyd zamanı, həmçinin, rayon sakinləri ilə maarifləndirici söhbətlər aparılıb,  növbə zamanı sosial məsafənin gözlənilməsinin vacibliyi bir daha xatırladılıb, tibbi maskadan istifadənin zəruriliyi vurğulanıb.
Qeyd edək ki, rayonda mobil qruplar tərəfindən reyd və maarifləndirmə tədbirləri axşam saatlarında da həyata keçirilir. Reydlər zamanı hüquqi və fiziki şəxslər tərəfindən karantin rejimin tələblərinin pozulması halları aşkarlandığı təqdirdə onlar barəsində qanunamüvafiq tədbirlər görülür.