Menu
Xəbər Lenti
15 Şub 16:14Mədəniyyət

“SOS uşaq kəndi”ndə yaşayan uşaqlara kitab hədiyyə edilib

Beynəlxalq Kitab Bağışlama Günü münasibətilə F.Köçərli adına Respublika Uşaq Kitabxanası tərəfindən “SOS uşaq kəndi”ndə yaşayan uşaqlara müxtəlif yaş qruplarına dair kitablar hədiyyə edilib.

AZƏRTAC xəbər verir ki, Respublika Uşaq Kitabxanası 2014-cü ildən hər il Beynəlxalq Kitab Bağışlama Günü münasibətilə müxtəlif məkanlarda 100-lərlə kitab hədiyyə etməklə uşaqları sevindirməyə davam edir. Keçirilən bu tədbirin əsas məqsədi gənc nəsildə kitaba sevgi hissi yaratmaq, mütaliə mədəniyyətinin formalaşmasında kitabın mühüm əhəmiyyətini diqqətə çatdırmaqdan ibarətdir.

Hər il minlərlə həm oxunmuş, həm də yeni kitablar dünyanın bütün istiqamətlərinə “yola düşür” və uşaqlarda kitaba məhəbbət, böyüklərdə isə bağışlamaq, hədiyyə etmək sevinci yaradır.