Xəbər Lenti
Bugün, 09:48
Ümummilli lider Heydər Əliyev Azərbaycanda müstəqil elektrik enerjisi sisteminin yaradıcısıdır
Bugün, 08:36
Qazaxın dörd kəndinin qaytarılması Prezident İlham Əliyevin xalqa növbəti hədiyyəsidir - RƏY
Bugün, 08:31
Hikmət Hacıyev: “Azərbaycanın COP29-a ev sahibliyi etməsi siyasi cəsarətimizin təcəssümüdür”
Bugün, 08:28
Muxtar Babayev: “COP29 yoxsul ölkələrə yardımın planlaşdırılması üçün böyük önəm kəsb edir”
18-04-2024, 08:42
Quba Rayon Polis Şöbəsinin (RPŞ) təşkilatçılığı ilə rayonun Talabıqışlaq kənd tam orta məktəbində antinarkotik təbliğatı çərçivəsində tədbir təşkil olunub.
17-04-2024, 09:08
Körpə Elvinin anası: “Ona nəsə olsa, mən yaşaya bilmərəm, yardımsevər şəxslərə yalvarıram”
17-04-2024, 08:55
İlham Əliyev Asiyada Qarşılıqlı Fəaliyyət və Etimad Tədbirləri üzrə Müşavirənin baş katibini qəbul edib
Ombudsman Avropa İnsan Hüquqları Məhkəməsinin sədri ilə görüşüb
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Strasburqa səfəri çərçivəsində Avropa İnsan Hüquqları Məhkəməsinin sədri Robert Spano ilə görüşüb.
Ombudsman Aparatından verilən məlumata görə, görüş zamanı tərəflər arasında insan hüquqları sahəsində müxtəlif məsələlərə dair qarşılıqlı müzakirə aparılıb.
S.Əliyeva Ombudsman Aparatı ilə Avropa Şurası arasında əməkdaşlıq əlaqələrindən danışarkən təsisatın ayrı-seçkilik üzrə fəaliyyətinin gücləndirilməsinə verilən dəstəyi də qeyd edib. Ombudsman bu mövzuda paytaxt və regionlarda keçirilən təlimlərdə vətəndaş cəmiyyəti nümayəndələrinin də fəal iştirak etdiyini diqqətə çatdırıb.
Ombudsman çıxışında informasiya əldə etmək hüququnun təmininə nəzarət funksiyası ilə bağlı fəaliyyətin genişləndirildiyini, maarifləndirmə tədbirlərinin təşkil olunduğunu və bu hüququn pozulması halları ilə bağlı protokollar tərtib olunduğunu qeyd edib.
Görüşdə Avropa İnsan Hüquqları Konvensiyasına uyğun olaraq milli qanunvericiliyin təkmilləşdirilməsi, bu sahədə Ombudsman tərəfindən verilmiş təkliflər barədə də danışılıb.
Bununla yanaşı, Ombudsman tərəfindən Konstitusiya Məhkəməsinə müxtəlif məzmunlu sorğular göndərildiyi nəzərə çatdırılıb. S.Əliyeva həmçinin Ombudsmanın illik məruzələrində verilən təkliflərin həyata keçirilməsi ilə bağlı təcrübə haqqında da geniş məlumat verib.
Ombudsman görüşdə onu da bildirib ki, postmüharibə dövründə Azərbaycanın azad edilmiş ərazilərinə təhlükəsiz qayıdışa və bərpa-quruculuq işlərinin tam sürətlə aparılmasına ən böyük əngəl Ermənistanın həmin ərazilərdə basdırdığı minalar və onların düzgün xəritələrini təqdim etməməsidir. Bundan başqa, qarşı tərəfin hələ də Azərbaycana 30 ilə yaxındır ki, itkin düşmüş hesab olunan 4 minə yaxın soydaşımız barədə məlumat vermədiyi nəzərə çatdırılıb.
Görüş zamanı R.Spanoya Ombudsman təsisatının yeni hazırlanmış və xarici dillərə tərcümə olunmuş hüquqi maarifləndirici nəşrləri, habelə müharibə və postmüharibə dövründə Ombudsmanın fəaliyyətini əks etdirən materiallar toplusu təqdim olunub.