Menu
Xəbər Lenti
DİM imtahan keçirir
Bugün, 11:38

DİM imtahan keçirir

Bakıda gəmi yanır
Dün, 09:58

Bakıda gəmi yanır

Prezident qəbul keçirdi
9-04-2021, 10:23

Prezident qəbul keçirdi

Millimiz Slovakiyaya qarşı
8-04-2021, 10:17

Millimiz Slovakiyaya qarşı

DİN-də yeni təyinat
5-04-2021, 10:32

DİN-də yeni təyinat

04 apr 17:57Gündəm / Sosial

Qarabağ Zəfəri

Qoca şərqin fenomenal siyasətçisi Ulu öndərimiz Heydər Əliyevin ikinci dəfə hakimiyyətə gəlişi ilə odlar yurdumuzda yeni eranın başlanğıcı qoyuldu. Nə qədər Azərbaycan var,vətənimiz var, bu möhtəşəm era sonsuzluğadək davam edecək. Bu, siyasətdə, iqtisadiyyatda, xalq təsərrüfatının bütün sahələrində,hərbdə bir dinamik, sürətli inkişaf erasıdır. Heydər Əliyev güclü xarizmatik şəxsiyyət, fenomenal siyasətçi və uzaqgörən dövlət xadimi idi. Ulu öndər qeyd edirdi ki,``Biz nazik sapın üstü ilə gedirik. Odur ki, gərək bu siyasəti o qədər ağılla edek ki, o qədər məharətlə aparaq ki, Azərbaycanın milli mənafeləri qorunsun`. Birinci Qarabağ savaşında atəşkəsin elan olunması, əsrin kontraktının bağlanması kimi Azərbaycanımız üçün taleyüklü tarixi qərarların baş memarı məhz Ulu öndərimizdir. Heydər Əliyevin 90-cı illərin əvvəllərində əkdiyi dirçəliş ağacının bəhrəsini bu gün on milyonluq xalqımız dadmaqdadır. Ulu öndərimizin Azərbaycan dövləti və xalqı qarşısındakı taleyüklü xidmətlərindən biri də özündən sonra cümhuriyyətimiz, xalqımız üçün layiqli davamçısını yetişdirib hazırlaması idi.Ümumilli liderimizin siyasi varisi möhtərəm,cənab Prezident İlham Əliyev tarixi reallıqları siyasi məntiqə üzvi surətdə bağlamağı bacaran idarəçidir.
Mən Qarabağın dilbər guşəsi Şuşa şəhərindənəm. İllər uzunu o doğma torpaqlarımızın həsrətini çəkmişik. Ancaq bir an da olsun belə ölkə Prezidentinə-Ali Baş Komandanımıza olan inamımızı itirməmişik. Dövlətimizin rəhbərliyi münaqişənin həlli istiqamətində öz mövqeyini 2016-cı il zəfər qələbəli aprel döyüşlərindən sonra bir daha bildirmişdi.``Biz müharibə istəmirik. Biz istəyirik ki, məsələ sülh yolu ilə həll olunsun``Bu bəyanat Azərbaycanın bəşəri dövlət olduğunun təsdiqi idi. 2016-cı ilin aprel döyüşləri Ali Baş Komandanın qətiyyətini, Azərbaycan ordusunun döyüş hazırlığının səviyyəsini, şəxsi heyətin mənəvi ruhunu, ordu ilə xalqın birliyini,torpaqlarımızın işğaldan azad etməyə qadir olduğumuzu təsdiqləmişdi. Prezident İlham Əliyevin bu məqamları ümumiləşdirərək demişdi:``Bu,bir daha dövlətimizin,ordumuzun gücünü göstərir...Biz istənilən vaxtda məsləni hərb yolla həll edə bilərik `. Beynəlxalq aləmdə özünü ən praqmatik ölkə rəhbərlərindən biri kimi təsdiqləmiş prezidentimiz illər ərzində söyləyirdi:``Mən ölkə rəhbəri kimi nəyi,nə zaman edəcəyimi yaxşı bilirəm..``O zaman gəldi...2020-ci il 27 sentyabr...Tarixi səlnamələrə düşəcək bu gün yurdumuz Böyük Vətən Müharibəsi savaşına başladı.44 gün ərzində xalqımız sevimli prezidenti-Cənab İlham Əliyevin simasında başı bəlalar çəkmiş cümhuriyyətimizin cəsur sərkərdəsini- dahi hərbi strateq olaraq Ali Baş Komandanı bir daha tanıdı və öz sərkərdəsinin arxasınca inamla getdi.Bu günlər dövlətimiz, xalqımız üçün bir sınaq günləri idi. Məhz bu günlərdə bizi sevən və eyni zamanda sevməyən qatı düşmən dövlətlər prezident xalq qarşılıqlı inam və sevgisinin bariz nümunəsinin şahidi oldular. 44 günlük Böyük Vətən Müharibəsində Şah İsmayıl Xətai misallı Ali Baş Komandanımız ona inanan cəsur ordumuzla tək ön cəbhədə savaşmırdı,eyni zamanda arxa cəbhədə,siyasi-diplomatik səngərdə eyni cəsarətlə döyüşür və zəfər dolu qalibiyyətlərimiz daha da möhkəmlənirdirirdi. Mavi ekrandan Ali Baş Komandanımızın dilindən şanlı ordumuzun qalibiyyət xəbərlərini eşitdikcə,prezidentimizlə, ordumuzla bir daha fəxr və qürur hissi duyurdum.Ulu öndərimizin illər öncəsi səsləndirdiyi bir şuar məhz bu günlərdə hər kəsin dilindən daha ucadan səslənirdi.
``Mən fəxr edirəm ki, mən Azərbaycanlıyam !`` Bəli...mən də bu gün qürur və fəxarət hissi ilə söyləyirəm.``Mən fəxr edirəm ki,mən Azərbaycanlıyam!``
Savaş günlərində dünya tarixində az hallarda görünən Ali Baş Komandan – ordu,ordu-Ali Baş Komandan qarşılıqlı inam,etibarının,bariz nümunəsini gördük.Qələbələrimizin açarı məhz bu sarsılmaz birlikdə idi.XXI əsr türk dünyası tarixinə artıq bir fateh olaraq düşmüş İlham Heydəroğlu ümummilli liderimizin
hələ sağlığında xalqa müraciətində söylədiyi:``Mən ona özüm qədər inanıram ``fikrini komandan olaraq bir başa hərb meydanında – savaşda təsdiqləmiş
oldu.Cəsur əsgərlərimizin işğaldan azad etmiş olduqları yurd yerlərimizə sancdıqları bayraqlar mənim üçün tək dövlət atributu deyil,eyni zamanda bir inam bayraqlarıdır.Savaşan döyüşçünün Ali Baş Komandana,xalqına olan rəmzi inam bayraqları Qanla suvarılmış, vətən torpağı: Ali Baş Komandan qətiyyəti,Polad Həşimov kimi generallarımızın dəyanəti,Xudayar kimi qormaz əsgərlərimizin rəşadəti sayəsində azad edildi.Bu gün mənim,mənim kimi yüzlərlə Azərbaycan vətəndaşının qarşısında böyük bir missya dayanır:Ali Baş Komandanın ətrafında yumruq olub torpaqlarımızın bütövlüyü uğrunda əlimizdən gələni əsirgəməməliyik.

Bakı Şəhəri Binəqədi rayonu E.Əliyevadına 297 nömrəli tam orta məktəbin
təlim-tərbiyə işləri üzrə direktor müavini Əliyeva Çimnaz Kərim qızı.